Istikhara complete guide according to quran and sunnah reveled

Istikhara:Why to perform

Muhammad (SAW) ne farmaya he k “Nuqsan nahi uthata wo shakhas jo istikhara karta he or paishman nahi hota jo koi mashwara kar leta he. Jab koi shakhas istikhara karta he to Allah Tallah us ko khwab mein ya kisi or zariy se us kam k thek hony ya ghalat hony ka ishara kar deta he, or uska dil aik side pe mail kar deta he wohi khair ki side hoti he.Is liye istikhara karna chai.

  • Istikhara Talab e khair he Talab e khabar nahi he, Duay Istikhara k alfaz ko isi tarah yad karna chaiy or isi tarah ada karna chaiy jesy hades pak mein he., agr ho saky to mani bhi yad kar liy jain is tarah dil ki kafiat ziada iztarari ho g.

 

  • Istikhara ka matlab he k jab do jaiz ya do mustahib kamo mein taradud ho k is mein se kis ko akhtiar karon to istikhara k bad agar apko koi wazeh ishara nahi mila phir jis taraf ap ka ziada dil mail ho wohi kar lein, is mein nuqsan nahi hoga.

 

  • jab fesla kar lia jay k ye kam karna he phir yaqeen rakhy k Allah ne is kam ki taraf mail kia he or is mein koi nuqsan nahi hoga, kabhi bhi ye nahi sochna chaihy k agar mein dosra kam karta o shyd mjy ziada faida hota waghaira, bas istikhara k bad aik dafa jo faisla kar lia uski apny liy bhalai smjy.

When to do istikhara?

Ap ko agar koi bhi fesla karna ho or dil mutmain na ho raha ho  ya koi new business shoro karna he or ghabra rahy hein k pata nahi kamyabi ho gi ya nahi to Istikhara kar lo,byshak ye ap ko mutamin kar dy ga, or istikhara k bad jab ap business shoro karo gy to ap ko yaqeeni kamyabi or faida hi mily ga.

Apny bachon ki kahin shadi krni he tab bhi ap pehly istikhara kr lo phir jis taraf dil mail ho wahan shadi kar dein, Allah Tallah us shadi ko kamyab bana dy ga, mian bivi aik dosry k sath hansi khushi rahin gy, tumam ghar walo  k sath bhi sab ka rawaia thek rahy ga, larai jhagry nahi hon gy, istikhara ki barkat se wo shadi hamesha kamyab rahy gi,

Istikhara ka tariqa:how to perform it # method 1

  1. Bad namaz e Esha 2 raka namaz nafal baniyyat istikhara is tarah ada kary k dono rakat mein sorah Fatiha k bad aik bar Sorah Yaseen ki tilawat kary,

  • Namaz se farigh ho kar Isam e mubarik “Ya Khabeeru” 200 bar parhy,

  • Is k bad Dahni (right) hatheli par “Ya Hakeemu Ya Majeedu” likh kar qibla ki taraf mon kar k sojay.

  • Insha Allah Khawab mein Hidait naseeb ho g, ap ko ishara mil jay ga k kia behtar he or kia nahi.

Method #2

  1. 2 rakat namaz nafal ba niyyat istikhara ada kary, namaz k bad 323 bar “Bismillah Shareef”  or “Hasbiyallahu wa naimal wakeel” 327  martaba parhy, phir sojay, Allah Tallah Khawab mein usko ishara dy dy ga.

method #3

  1. Bad is namaz e Esha Bawaqt e Khaftan Ayat e Mubarika “ Subhanaka La ilma lana illa ma alamtanaa innaka antal aaleemul hakeem” 100 bar parh kar sojay, 3 rat yehi amal kary, In sha Allah hidait naseeb ho g.

method# 4

  1. Soty waqat bawazu 21 martaba Sorah Alam Nashrah parhy , haqeqat e hal ka ilam hojay ga,

Istikhara ap ki life mein kamyabi k liy bohat faida mand he, isliy koi bhi kam shoro karny se pehly istikhara kr lein.

Dua Istikhara:Salat ul istikhara

Rasool (SAW) ka irshad he jo k jo shakhas Allah Tallah se mashwara karta he, wo khasara mein nahi rehta.

Hazrat Jabir (R.A) farmaty hein k Rasool pak (SAW) hamain istikara ki taleem is tarah dia karty thy jis tarah Quran Pak ki taleem dia karty thy.

Agar aap bhi koi kam karny mein hichkicha rahy hein, us k injam se dar rahy hien to ap bhi istikhara kar lein , istikhara karny se apko apny kam ko sahi tarah karny ka mashwara mil jay ga, jo rasta apki bhalai ko hoga apka dil us taraf mur jay ga, Duay Istikara is maqsad k liy behtareen dua he.

  • Aap apna koi new business shoro karna chah rahy hein lekin ap ko preshani k is business se mujy faida hoga ya nahi, to ap Dua  parh kar Allah se mashwara kar lein, agar wok am ap k liy behtar ho ga to ap k dil mein usy karny ka kheal pukhta hojay ga phir baghair kisi dar k wok am kar lijiy ga.

 

  • leekin agar is k bad ap ka dil us kam ki taraf mail nahi ho raha to phir wok am ap ki bhalai ka nahi he , behtar yehi he k phir us kam ko karny se ijtinab karein,

 

  • Zindagi mein koi bhi fesla karny mein dushwari ho rai ho to Duay  parh kar Allah se mashwara or madad mang leni chahiy, ap k bachon ki shadi ka masla he.

ap kisi jaga par rishta karna chah rahy hein to pehly istikhara kar lein, agar wo rishta ap k bety ya beti k liy behtareen hoa to apko iska ishara mil jay ga.

agar us mein thori bohat problems hoi wo bhi ap ko ishary mein zahir ho jain g, or agar wo rishta ap ki beti ya bety k liy n munasib hoa to bhi apko ishara mil jay ga, is tarah ap ko fesla karny mein asani hojay g, or jab ap koi kam istikarah karny k bad karo gy to agar us mein koi masla ho ga tab bhi Allah k fazal o karam se wo asani mein badal jay ga.

Dua Istikhara ka Tariqa:How to perform dua istikhara

Hazoor Pak (SAW) ne farmaya k agar koi shakhas kisi kam ka irada kary to usy do rakat namaz parh kar ye Dua parhni chaihy. Behtar ye he k parhty waqat tarjama zehan mein rakhy.

 

 

Tarjama:Translation

Ay Allah mein tujh se tery ilam k sath khair ka mutalaba karta hon, or teri qudrat k sath quwat ka mutalaba karta hon, or tujh se tery azeem fazal ka sawal karta hon, is liy k tu taqat rakhta he or mein taqat nahi rakhta, or tu janta he mein nahi janta, or tu hi ghaibon ka janny wala he, ay Allah agar tery ilam mein ye bat he k ye kam mery liy mery deen, meri mashiat or mery kam k injam mein behtar he, to isy mery muqadar mein kar dy, or mery liy is ko asan kar dy, phir mery liy is mein barkat dal dy, or agar tery ilam mein ye bat he k ye kam mery liy mery deen, meri mashiat or mery kam k injam mein bura he to muj se phair dy, or mujy is se phair dy, or mery muqadar mein bhalai , jahan bhi ho phir mujy is par razi kar dy.

ye dua istikhara parhty waqat jab hazal amra par puhnchy to apny kam ka dehan kary, ya khabeeru akhbirni ya aleemu alamini ka wirad karty hoy daian (right) karwat par sojay, jab so kar uthy is waqat dil mein jo bat mazboti se aay us par istikhara amal kary.